Еркін тақырып: Ширек Финал Тақырыптары

Аса қадірменді ережесіз дебаттың ширек финалисттері! Жалғас Ертай, Абзал, Бальзаминка (Гүлшат), Аль-Астер (Нұржол),Қисық (Димаш), Сигма, Сатыбалды Нұрберген, және барша қызыққұмар жамағат! АПДЕЙТ: Келесі сайыста үміткерлер еркін тақырыпта көсіледі, еркін болғанда шартты түрде ғана еркін, яғни ширек финалисттердің дебатының мазмұнын басқа қолданушылар анықтайды. Қалған ережелер баяғы күйінде. Ия, айтпақшы жеңімпазға тіркелгеніне 4-айдан асқан кез келген мүше дауыс бере алатын болады. Шешендер сайысына қатысты алдыңғы тақырыптар- мұнда: www.kerekinfo.kz/blog/debats/ Ал енді халайық, келесі дебаттар қай тақырыпта болғанын қалайсыздар? Ұсыныңыздар. Мен мына тақырыптарды ұсынамын: • Ұстазыңмен бақталас болу әбестік! • Достарыңа да айтпайтын сырың болсын! • Туыспен алыстан араласқан дұрыс! • Әрқашанда қажетті мөлшерден аз сөйле! • Жұмысыңды басқаларға жасатуға тырыс! • Басқаларды өзіңе бағынышты етуді үйрен! • Қойныңдағы қатыныңа да сенбе! • Жауы жоқ адам қорқақ!