Нео-мәңгүрттер

Мәңгүрттіктің жаңа түрі. Мәмбет мәңгүрт болуға ұмтылады. Жұмыспен бір мем.мекемеден бір жігіт хабарласады соңғы кездері. Сөздерінен, стилінен қазақша сөйлейтін, ойлайтын бала екені білініп тұр. Өзіне тапсырылған жұмысты жетік білмейді. Орысша ұзақ, қиын сөздермен сөйлейді. Менің шыдамым жетпей "қазақша айта берші" деп едім. Азғана үнсіздіктен кейін «на казахском плохо разговариваю» дейді. «Орысша да сөйлей алмай тұрсың ғой» десем, «нет, я просто мысли не могу собрать» деп жауап берді. Бүгін де сол баяғыдай. Бүгін кішкене асыра сілтеп жіберді енді, басында байқамай мырза деген сөзді айтып қалды да, кейін қайтадан түзеді господин деп. Бірақ, бұл жолы фамилиямды Аразып деді. Түзеттім Күлкім келеді. Аяймын. Бетпе-бет жүздеспей, таныстығымыз тек осылай телефон арқылы қалса деймін.