"Мақалыңа мақал!" немесе шетелдік мақалдардың қазақша баламалары

Бұл жерде орысша, ағылшынша, түрікше, тамильше мақалдардың қазақша сәтті баламаларын жинағым келеді. Өздеріңе ерекше қызықты әлем елдерінің мақал-мәтелдерін жазып, бірге аударуға тырысып көрелік. Аудармасы бар болса, одан да сәттісін іздеп көруге болады. Мысалы: Біреу жазады: «Клин клином вышибают» Екіншіміз: «Батқан пілді піл ғана шығара алады.» Үшіншіміз: «Уды у қайтарады» деп ұсынуымызға болады. ТӨМЕНДЕГІ ШАРТҚА НАЗАР АУДАР: Әрине, ең мінсіз балама қазақта бұрыннан бар мақал-мәтелдер екенін сезіп отырған шығарсыздар. Бірақ, ондай мақал естеріңе түспей жатса, көркем аударма жасап жіберуге де болады. Бастысы — аударма пішіні жай сөйлем сияқты емес, қанатты, тілге үйіріле кететіндей жеңіл,ұйқасты, қазақы менталитетке жақын, қысқасы мақал-мәтел пішініне мейілінше ұқсас болғаны дұрыс. ЕСКЕРТУ!!!: Тура мағынасын емес, ауыспалы мағынасына көбірек мән берген дұрыс. Әр шет тіліндегі жіберген мақалдарыңа жеке менен бір үлкен плюс болады!:) Ал, жіберіңдер аттың тасын!