Таныс болыңыздар: manshukn

manshukn — Mәншүк Ахметова — 1990 жылы 3 қаңтарда Қызылорда облысы, Жаңақорған ауданында дүниеге келген. Сонда орта мектепті аяқтап, қазір әл-Фараби атындағы ҚазҰУ журналистика факультетінің 4-курс студенті. — КерекИнфоға қалай келдің? — Негізі, осы блогосфераға біз Асхат ағайдың ( urimtal) сабағының арқасында келгенбіз (осындағы көп қолданушылар да). Ал керекке наурыз айындағы блогкемпке тіркелу кезінде, осы dabai.kz-ға тіркелдім. Ол ақпан айы болатын. Пост жазу, пікір қалдыра бастаған уақыт маусым айында уордпресс ашылмай жүрген кезде басталды. Содан бері күнделікті кіретін болдым. — Күніне неше рет кіресің? — Есептемеппін. Негізі, ноут қосылғанда, міндетті түрде бір қараймын. Сабақ кезінде, автобустаіш пысқанда соткадан қызықты жазбаларды оқып жүремін. — Қандай тақырыптардағы жазбалар ұнайды? — Осы эстафеталар, қолөнер, аспаздық жайлы тақырыптағы жазбалар, бір сұрақ айдары да ұнайды. Ал былай, жаңа жазылған жазбаларды бір қарап шығамын. — Кімдердің пікірлері ұнайды? — Жазбаларды оқып отырғанда, барлық пікірлерді оқып шығуға тырысамын. Ал көбінде Сатыбалдының, Патиктың, Нұрғисаның, Бальзаминканың, АКУдың пікірлері ұнайды. — Жақындарың, таныстарың оқи ма пікірлеріңді, жазбаларыңды? — Универдегі достарым, группаластарым оқиды. Ал туыстарымнан ешкім оқымайды. — Егер админ болсаң сайтта қандай өзгерістер енгізер едің? — Меніңше барлығы жақсы, өзіме ұнайды. Бірақ, маған бастапқыдағы дизайны (жасыл түсті) ұнайтын. Соны қалдыратын едім.