Танысайық

Менің атымның Көкбөрі екенін білесіздер. Енді бір-бірімізбен жақын танысқан жөн болар деймін. Себебі алда ұлы дүрмек, ұлы той — Blogcamp. Сол кезде бір біріміз туралы бiліп қалай араласатынымыз туралы ойланып жүрген де орынды болар деген ойдамын. Бірақ бұл жерде аты жөніңді айтып, өз мінезіңді тілге тиек еткеннің пайдасы жоқ, адам өзінің мінез құлқын дәл суреттей алмайды. Сондықтан мынадай ұсыныс, бәріміз өзіміздің ұстанатын ұстанымдарын (принцип) нақылдармен келтірсек. Ол біреу ме, бірнешеу ме маңызды емес, ең бастысы өзінің ұстанымы болсын. Өздері шығарған нақылдар адамның өз характерін аша алмауы ғажап емес, сондықтан ұлылардың ұлағатымен білдірсе нұр үстіне нұр болар еді деген сенімдемін. Менің ұстанымдарым: Ең бірінші, «Адам тамақ жеу үшін өмір сүрмейді, өмір сүру үшін тамақ ішеді» (М. Қашқари) деген сөз менің ең басты ұстанымым. Екінші, дінге байланысты "Талап — пендеден, қолдау — тәңіріден" (Мақал). Махаббатқа байланысты "Құштарлықсыз жаратқанды да тани алмайсың" (Қожа Ахмет Яссауи). Әйелге байланысты «Жақсы әйел жаман еркекті зор етеді, Жаман әйел жақсы еркекті қор етеді» (Мақал). Бұлардың бәрі менің қандай көзқараста екенімді білдірсе керек. Демек мен туралы осыдан білуге болады деген сенімдемін. Сіздер ше? Пы.сы. Жақша ішінде автор көрсетілсе деген өтініш.