Орташа Есеппен Жаңа Астаналық
— Астанаға алғаш келген кезінде тұрақты баспанасы болмайды.
— Бала-шаға бірнеше айдан кейін келіп, қосылады.
— Өз жерлестерін тез тауып алады.
— Өз жағынан келетін пойыздардың кестесін жақсы біледі.
— Қаланы жақсы білмейді, карта қолданады.
— Таксиге төмен баға айтып қинайды, кейін 500 теңге жақсы баға екенін мойындап жүреді.
— Астанаға келген туыстары оған келеді.
— Ол жақсы гид. Әдетте Бәйтеректен басталған тур Артем базарымен аяқталады.
— Бәйтерекке бірнеше рет мініп көреді. Океанариумға «турист» апарады, бірақ өзі кірмейді.
— Ханшатырда пляж бар екенін айтады қонақтарына, бірақ өзі кіріп көрген жоқ.
— Өзінің келген жағын мақтайды «күшті ғо, рахат қо» сияқты сөздермен, бірақ қайтып оралғысы келмейді.
— Ол Шанхай базарының қайда екенін біледі.
— «Астана пәлендей қымбат емес» деген сөздерді жиі айтады.
— Оған жұмыс қарап қоюды сұрайтындар көп.
— Оның әдетте 2-ші баласы Астанада дүниеге келеді. Қонақтарына «бұл бала таза астаналық, хехе» деп әзіл айтып қояды.
— Ол қонаққа барғанда лифтімен көтеріп алу, түсіріп алу дегендердің не екенін біледі.
— Оның көп уақыты бола бермейді.
— Ол шашлықтың ең мықты жасалатын жері «Реал» екенін біледі.
— Ол кем дегенде 3 пәтер ауыстырады.
— Астанада «Барыс» хоккей командасы бар екенін біледі, бірақ хоккейге барып көрген жоқ.
— Ол «Еламандардың» қай жерде орналасқандарын біледі.
Астанаға келгісі келетіндер, келіп жатқандар көп. Осы посттың астында Астанада өмір сүрудің қызықтары мен қиыншылықтарын бөлісейік. Жаңа келушілерге көмектесейік.