Балалардың сүйікті әндері

«Көк тудың желбірегені» әнінің әуені кішкентай балаларға қатты әсер ететін сияқты. Кіші ұлым Әлижан осыны сүйіп тыңдайды. ТВден осы әннің клибі шықса қатып қалады соған қарап. Азия+ деген канал күнде бірнеше рет көрсететін осы клипті. Ал үлкен ұлымның сүйікті әндері оның айтуы бойынша Чика-чика (Көкжалдар мекенінің музыкасы), Ауладағы ереже, İstanbul, Құнан нар. Ал Атамекенді жатқа біледі, ең бірінші үйренген әні де осы болды. Ешкім үйреткен жоқ, өзі жаттап алды осыны. Байқағаным үлкен ұлға темпы жоғары, динамикалық әндер ұнайды. Кіші ұлға жәй әндер ұнайды. Сіздің бүлдіршіндер қандай ән тыңдайды?