"Ас Кок" жылдам тағамдар байқауының қорытындысы

Рақымы аз Шиваның атымен бастаймын! Жонымыздағы жылдың 16 шілдесі күні «Ас Кок» жылдам тағамдар байқауын жариялаған болатынбыз. Жазғы сылбырлық маусымы кезіне қарамастан, біраз еңбектер келіп түсті. Олар, уәде етілгендей, арзандық+тездік+оңайлық үйлесімділігімен сарапталып, комиссия мынадай қорытындыға келіп отыр. I орын — Rafaello , Қараназғұл Кәжәбекова атындағы қойыртпағымен; II орын — Ақнұр Бектеміс aka AKA , 12,7 минуттық десертімен III орын — Мейіргүл Оңғарова aka ushkin , салынып ішіп жүрген қызанақ мәзірімен. Сөз соңында, байқау жарияланғаннан кейін мына пікірді қалдырған: қолданушымызға келесі өлең жолдарын арнаймыз: Көзiндi аш, оян, қазақ, көтер басты, Өткiзбей қараңғыда бекер жасты. Жер кеттi, дiн нашарлап, хал харам боп, Қазағым, ендi жату жарамасты. Жүлдегерлерді мына контактіге жеке хат жіберіп, жүлделерін алу жолын пысықтауын сұраймыз. Мейірімнен жұрдай Мейіргүлдің фамилиясымен аяқтаймын: Оңғарова.